ہوم / پنجابی پیج / پنجابی غزل۔۔۔۔۔۔۔۔۔ایوب کموکا

پنجابی غزل۔۔۔۔۔۔۔۔۔ایوب کموکا

ایویں تے نہیں سنگتاں پھُٹن لگ پیۤاں
دل دے اندر غرضاں پھُٹن لگ پیۤاں

سینے دیوچ سورج اگیا ہویا سی
ساہواں وچوں کرناں پھُٹن لگ پیۤاں

ہک دن اوہدے ویکھن کان دعا منگی
تَلیاں وچوں اکھاں پھُٹن لگ پیۤاں

خورے کنھے بی سُٹیا اے نفرت دا
دھرتی وچوں جنگاں پھُٹن لگ پیۤاں

کل غربت نوں ساڑ کے کولا کیتا سی
اج کَڑمی دیاں لغراں پھُٹن لگ پیۤاں

اوہنے ہتھ کیہ لایا سُکے بوٹے نوں
کَنڈیاں وچوں مہکاں پھُٹن لگ پیۤاں

فیر اج چن نیں دھرتی اتے آؤنا ایں
اسماناں توں سڑکاں پھُٹن لگ پیۤاں

لگدا اے ایوب لڑائیاں ہون گئیاں
ساندل بار چ کَنکاں پھُٹن لگ پیۤاں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ایوب کموکا

مصنف admin

Check Also

مولانا کی الٹی تصویر۔۔۔۔۔۔۔۔۔اصغر علی بھٹی

ہوٹل کے دروازے پر لٹکتی مولانا فضل الرحمٰن صاحب کی الٹی فوٹو سینٹ کے حالیہ

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Send this to friend