ہوم / پنجابی پیج / ِخاباں وچ ہنھیری اے، ۔۔۔۔۔۔۔پنجابی غزل، طاہر احمد بھٹی

ِخاباں وچ ہنھیری اے، ۔۔۔۔۔۔۔پنجابی غزل، طاہر احمد بھٹی

(خاباں وچ ہنھیری اے)

کدوں ایہہ چناں میری اے
ساری کھیڈ ای، تیری اے

سدھراں ایویں چت نئیں چایا
خاباں وچ، ۔۔۔۔۔ ہنھیری اے

توں ڈبیں، یا میں رڑ جاواں
اکو ای گھمن گھیری اے

چا توں سکھ، میں دکھ لے جاواں
آپنی آپنی،۔۔۔۔۔ ڈھیری اے

جیٹھ دے پھہلیاں چپ کرایا
انج تے چھاں،۔۔۔۔بتھیری اے

تینوں اکھیں بھر کے تکنا
ایہہ وی بڑی دلیری اے

ایدھا کنڈا پشاں نئیں مڑنا
ککر نئیں،۔۔۔ایہہ بیری اے۔

(طاہر احمد بھٹی، جرمنی)

 

Sponsers

 

مصنف طاہر بھٹی

Check Also

آئینے پریشاں ہیں، اب نگارخانے میں۔۔۔۔۔۔غزل، ،۔۔صائمہ شاہ

بے کلی سی رہتی ہے دل کے چار خانے میں اتنی دیر کیوں کر دی

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Send this to friend