ہوم / پنجابی پیج / پنجابی غزل۔۔۔۔۔۔ڈاکٹر ستیہ پال آنند

پنجابی غزل۔۔۔۔۔۔ڈاکٹر ستیہ پال آنند

کفر ٹوٹا خدا خدا کر کے۔۔۔۔۔۔۔۔محترم ڈاکٹر آنند صاحب نے غزلاں لخیاں نیں تے اوہ وی پنجابی وچ۔ ونگی وجوں اک تسی وی چکھو۔ تے ایدھے بہانے اسیں ڈاکٹر صاحب نوں پنجابی پیج تے جی آیاں نوں وی کہندے آں۔ ایڈیٹر آئینہ ابصار

کیسی بستی سی، گھراں دیاں ڈیوڑھیاں خاموش سن
چرخیاں دے راگ گم سی، چکّیاں خاموش سن

پیار دے پیلے پئے پتّیاں تے دلِ دی داستان
ذہن لکھدا جا رہا سی، انگلیاں خاموش سن

پِنڈ توں اک شخص ٹُر کے گلیاں سُنیاں کر گیا
بھنگڑیاں دے شور چپ سی، کِکلیاں خاموش سن

اس دے منہ دا چندرما رو رو کے آخر سوں گیا
رات دے پچھلے پہر تک سِسکیاں خاموش سن

شہر دی سرحد تے آ پہنچے سی آدم خوربھوت
جنگلاں وچ شور سی، پر بستیاں خاموش سن

بیوہ ہوئی گھر دی رونق، اُجڑیا کس دا سہاگ؟
چوڑیاں دے نغمے گم سی، جھانجراں خاموش سن

رات کس معصوم دی عزت اِتھے لُٹی گئی
جیبھ گنگی سی دراں دی، کھڑکیاں خاموش سن

مہُر ٹُٹی میرے ہوٹھاں دی ، صحیفہ اُتریا
بولیاں غزلاں جدوں، تُک بندیاں خاموش سن

مصنف طاہر بھٹی

Check Also

Rabwah visit by LUMS Students creates unrest ; by Raye Sijawal Ahmed Bhatti

Recently, a group of students from University of Management Sciences(LUMS) visited Rabwah. The city of

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Send this to friend