پنجابی اشعار۔۔۔۔۔۔۔۔۔از طاہرہ سراء

کی کیندا ایں میرے تے اعتبار نئیں

مطلب، تینوں تیرے تے اعتبار نئیں

اوہدے پنڈوں کاں تے اوندے ہوون گے

مینوں ایس بنیرے تے اعتبار نئیں۔

☆☆☆☆☆☆☆☆☆☆☆☆☆☆

غزل

اوہدا چیتا نال ہوندا اے

اک اک شعر کمال ہوندا اے

ہجر نوں کشتہ کردی پئی آں

ویکھو کدوں وصال ہوندا اے

آ جاندا اے چندرا ساون

فیر جو میرا حال ہوندااے

دھی نوں کیوں توں پیہڑا آکھیں

دھی کوئی لٹ دا مال ہوندا اے

ادھے گھنٹے بعد آویں گا

ادھا گھنٹہ سال ہوندا اے

کچے دودھ دے وانگ اے اتھرو

کڑھ کڑھ طاہرا۔۔۔۔لال ہوندا اے

اپنا تبصرہ بھیجیں