غزل

اوہلا چانن پی جاندا اے
ویلا پھٹ نوں سی جاندا اے

تینوں ویکھ کے اندرو اندری
آپے دل پرچی جاندا اے

آوندا جاندا ویکھ لیا کر
جھلیا ، تیرا کی جاندا اے

سدھراں نوں گل گھوٹو دے کے
بندہ مر مر جی جاندا اے

آس جے تیتھوں پھٹ نہ سکی
سمجھیں ، تاہنگ دا بی جاندا اے

تیری کوڑی پھکی گل توں
دل اے ناں، منخی جاندا اے

تس دا اکیا ہویا بندہ
بھخدا سورج پی جاندا اے

اپنے آپ نوں لبھدا لبھدا
بندا آپ ، کھڑی جاندا اے

(طاہر احمد بھٹی)