(کنکاں چھڈ ، کپاہ لینے آں)

تیرے ساہیں، ساہ لینے آں
ساہ کیہڑے نے، پھاہ لینے آں

راتیں کوڑیاں سچیاں کر کے
دن دیاں کندھاں ڈھاہ لینے آں

بھکھ تے مر گئی، ننگ ای کج لو
کنکاں چھڈ،۔۔۔۔۔۔کپاہ لینے آں

ایس لئی جھولی خالی رہ گئی
اوہ لینے آں،۔۔۔۔۔آہ لینے آں

شیشہ جے اکواسا اے ساتھوں
اپنا منہ،۔۔۔۔۔۔۔لکا لینے آں

جان ایہہ کنڈیو کنڈی ہوئی
چھالیاں نال،۔۔۔۔ویاہ لینے آں

تیری اکھ، دراڈا ویکھے۔۔۔!
تینوں ہتھ، وخا لینے آں۔۔!

(طاہر احمد بھٹی، جرمنی)